Предыдущая страница Следующая страница

Кривая Империя Сетевая Словесность Оглавление

65.
УКАЗ О ВСЯКИХ МЕДАХ О КИСЛЫХ: КАК МЕДЫ СЫТИТИ ВСЯКИЕ, И МОРС ЯГОДНОЙ ДЕЛАТИ,
И КВАС МЕДВЯНОЙ ПРОСТОЙ СТАВИТИ, И ПИВО ПРОСТОЕ ПОДСЫЧИВАТИ МЕДОМ,
И ВАР ВАРИТИ В ХМЕЛЮ, ОБАРНОЙ МЕД СЫТИТИ

О                
                
               

барнои мед взяти в семеро сырцу, водою влеть тепло, да розсытя мед процедити ситом начисто, без вощин, да положыти в тот мед вару всякой пуд по полумере хмелю. А варя тот мед, пена снимати ситом, чтоб было в котле чисто, да уваря тово меду половину, да ис котла простудити леть тепло, да сложыт мед в мерник чисто, без вощин, да укрой хлеба натерти дрожжыма с патокою, да припеч у печи, да положыт в тот мед в мерник, да квасити. А как соиметца мед киснути гораздо, ино его и сливати тотчас в бочки, чтоб не окис.
Белой мед сытити. А белой мед сытити, выбирати патока белая чистая, да убить патока мутовью гораздо, чтоб не было кусья медового мелково. А взяти мед в четверо розсытити водою - леть тепло; а вару положыти на всякой пуд по четверте мере хмелю, да дрожжыма наквасити, а как мед киснет- ино дрожжы снимати с меду ситом до чиста, а как поспеет - так и сливати в бочки.
               Патошнои мед сытити. Паточной мед сытити, взяти в пятеро патоки, а розсытити водою леть тепло, да процедити чисто, да сложыти в мерник, а вару положыти - на три пуда мера хмелю, да дрожжыма наквасити; а как мед киснет - ино дрожжы снимати с меду ситом до чиста, а как поспеет- так и сливай.
               Простои мед сытити. А простои мед взяти сырцу в шестеро, розсытить водою леть тепло, да процедити чисто, да положыть на мерник, а положыти вару на всякой пуд по полумере хмелю, да дрожжами наквасити; а как мед киснет - ино дрожжы снимати с меду ситом до чиста, а как поспеет - так и сливати в бочки.
               Боярской мед сытити. А боярской мед сытити - сняти вощина до патоки, да взяти в шестеро, да розсытить горячею водою, а вару положыти на всякой пуд по мере хмелю, да наквасити дрожжыма, а процедити чисто без вощин, а киснути в мерниках неделя да сложить в бочки; а стояти в бочках неделя же, да тот мед сцедити з дрожжей да положыти выную бочку, без дрожжей, да подкормити патокою.
               Как з зели мед ставити. А з зели меды - ставити с мушкатом и з гвоздикою, а отнимати меду простово в малые бочечки, да тот мед подкормити патокою, да те зеля, утерши мелко, класти в мешечки платеные да те мешечки положыти в те малые бочки в мед, а воронки закрывати на крепко, чтоб из бочек дух не выходил.
               Указ, как ягодные меды ставити. А ягодной мед ставити - какие ягоды ни буди, положыт ягод в котел, да съ ягодами положыти в котел кислой мед простои, чтоб ягоды в котле поняло, чтобы ягоды в котле не пригорели; да варити ягоды в котле с медом гораздо, покамест роскипятца ягоды, а как ягоды роскипятца, ино поставити на ночь, как ся отстоит мед ягодной от гущи начисто, ино сложыть тот мед ягодной в бочки, в какой мед произволишь, и сколь густо захочешь взяти ягодной мед. А станешь мед ягодной класти в бочки, в кои мед ни буди, иново, в тех бочках и в меду дрожжей не было.
               О морсу ягодном. А ставити морс ягодной простои - каких ни будь ягод. Ино положыть ягод с водою в котел, чтоб поняло, и х котлу б не пригорели, да варити в котле ягоды с водою гораздо, покамест ягоды роскипятся, а как ягоды роскипятца, ино поставити на ночь, как ся отстоит морс ягодной от гущи на чисто, ино сложыть тот морс ягодной в бочки, в которой бы бочке дрожжей не было.
Как квас простои медвяной сытити. А квас медвяной сытити простои: взяти меду патоки в четверо, да процедит ситом чисто, да положыть в меръник, а наквасити колачем простым мяхким, без дрожжей, а как укиснет - ино сливай в бочки.
               О подделном пиве. А пиво простое как подкармливати, как сваря пиво устоитца в бочке, так с дрожжей сцедити то пиво выную бочку положить без дрожжей, да положыть пива ведро в котел, да меду положыть в котел на всякое ведро, сколко в той бочке пива - по гривенке болшеи патоки. Да варити патока с пивом в котле до кипатка, чтоб патока с пивом смешалася, да простудить холодно, да положыти то пиво с патокою в бочку.
               Делати мазуни. Ретка, коя бы здорова была собою, кроити в тонкие ломти здевати на нить хвосцыма да вывялити на солнце или в волном жару, после хлебов повеся, чтобы друг до друга не додвинулася. И как просохнет, сыри не будет, ино высушити на сухо да протолчи и просеяти сквозь гривенное сито, положыти в горшечик, сколко будеть муки ретошные; ино сваря патоки чистые белые не кислые, как скипит - пена сняти до чиста, положыти в ретешную муку патоки вареные столко же, сколко и муки. Да положы мушкатов, гвоздики, перцу и шафрану по мере, чтобы ништо было силно, чюти бы, а не много, запечатати в горшек тестом, парити в пече 2 дни и 2 ночи, ино сети будет добро, и будет толко жытко, и ты прибави ретешные муки, а делай так, чтоб было густо, как корсячная икра.
               По царегороцки ретка делати; протерти сквозе решетку ретку сырую да в воде помочити не много, да выжати, да варити в воде, да выкинути на сито или на решето, чтоб вода высякла. А будеть горечо, ино водою студеною полити да прожати над ситом до суха, да опять варити в воде, да опять прожати, по тому же. А будет сушеная ретка толчена, и в трех водах варити; а будет коя в катышках делати - та была и помелче протерти сквозе частую решетку, и выжати до чиста, чтоб воды не было, и патоки ПОЛОЖИТИ и перцу в меру, что было не горко, а слышати было, и иных зелен, да ожарити; а коя делати житкая, протерти сквозь реткую решетку ретку и варити. и выжати вода потому ж, и мед розвести водою, воды положыти в трети, перцу класти мене, как в катышки.


Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker