Предыдущая страница Следующая страница

Кривая Империя Сетевая Словесность Оглавление

6.
КАКО ЧТИТИ ДЕТЕМ ОТЦОВ СВОИХ ДУХОВНЫХ И ПОВИНОВАТИСЯ ВО ВСЕМ


П                
                
               

одобает ведати и се, како чтити детем отцов своих духовных. Изыскати отца духовнаго добра, боголюбива, и благоразумна, и разсудителна, и утверженна в вере, и учителна, а не потаковника, ни пияницу, ни сребролюбива, ни гневлива. Такова убо подобает чтити и повиноватися ему во всем, и каятися пред ним со слезами, исповедати грехи своя безстыдно и безсрамно, и заповедь его храни, и епитемьи исправляти противу греха. А призывати его к себе в дом чясто, и к нему приходити, и извещатися ему всегда во всякой совести, и наказание его с любовию приимати, и послушати его во всем, и чтити его, и бити челом пред ним ниско: он учитель нашь и наставник. И имети его со страхом и любовию, и к нему приходити, и приношение ему давати от своих плодов и трудов по силе. И советовати с ним часто о житии полезном, и востязатися от грехов своих. И како учити и любити мужу жену свою, и чяда, и раб, а жене мужа своего слушати, и спрашиватися по вся дни. А извещатися о гресех своих всегда пред отцем духовным, и обнажати грехи своя вся, и покарятися пред ним во всем: тии бо бдят о душах наших, и ответ дадут о нас в день страшнаго суда, а не поносити их, ни осужати, ни укаряти, а о ком учнуть печяловатися, ино его слушати, и виноватаго пожаловати, по вине смотря, с ним же разсудя.


Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker