Предыдущая страница Следующая страница

Кривая Империя Сетевая Словесность Оглавление

21.
КАКО ДЕТЕЙ УЧИТИ И СТРАХОМ СПАСТИ


К                 
                
               

азни сына своего от юности его, и покоит тя на старость твою даст красоту души твоей. И не ослабей, бья младенца; аще бо жезл бьеши его, не умрет, но здравие будет, ты бо бья его душу его избавишь от смерти. Дщерь ли имаши, положи на нее грозу свою, и зблюдеши я от телесных: да не посрамиши лица своего да в послушании ходят, да не свою волю приимши, и в неразумии прокуд девство свое, и сотворит тя знаемым твоим в посмех, и посрамят тя в множстве народа. Аще бо отдаси дщерь безспорока, то яко велико де съвершив, и посреди збора похвалишися, и при конци не постонешь на нии. Любяи же сына своего, учащай ему ран - да последи о нем возвеселиши. Казни сына своего измлада, и порадуешися о нем в мужстве, посреде зла восхвалишися, и зависть приимут враги твоя. Воспитай дети с крещения, обрящеши от них покой и благословение. Не смейся игры творя к нему вмале, вмале бо осклабишися, а в велици поболиши, скорбя, и после, яко оскомини твориши души твоей. И не дай же ему власти во юности, сокруши ему ребро, донели ж растет, да ожесточяв не повинеттися, и будети от него досажение и болезнь души, и тщета домови, и погибель имен, и укоризна от сусед, и посмех пред враги, и пред властели платеж, и досяг зла. Аще дети свои воспитаете в страсе Божий и в поучении и во всяком казании, и до совершена возраста сохраниши их во всяком целомудрии и чистоте телесной, и законнаго брака сочтаеши со благословением, и устрой и будут наследници имению твоему, и дому, и всему стяжанию твоему, и упокоят тя на старость твою, и по смерти вечную память сотворят родителем своим, и сами во благословении пребудут в веки, и от Бога великую мъзду получят в сем веце и в будущем, пребывающе в заповедех Господних.
                Василия Кесареискаго поучение юношам. Душевную бо чистоту имети и безстрастие телесное, ступание кротко, глас умерен, слово благочинно, пищу и питие немятежно; при старейших - молчяние, при мудрейших - послушание, к преимящным - повинование, к равным себе и меншим - любовь имети нелицемерну; от злых и плотских и любоплотских отлучятися, мало вещати, множае разумевати, не продръзовати словом, не избыточествовати беседою, не дерзом быти на смех, стыдением украшатися, женам нечистым не беседовати, долу зрение имети, горе же душу, бегати сопротивословия, но учительски гонити сан, ничтож вменяти, яже от всех чти. Аще ли кто от вас может инех ползовати, яже от Бога мъзду да ожидает и вечных благ наслажение.


Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker