Предыдущая страница Следующая страница

Кривая Империя Сетевая Словесность Оглавление

63.
УКАЗ КЛЮЧНИКУ, КАК ДЕРЖАТИ ЕМУ В ПОГРЕБЕ ВСЯКОЙ ЗАПАС,
ПРОСОЛ - И В КАДЕХ, И В БОЧКАХ, И В МЕРНИКОХ, И ВО ТЩАНЕХ, И В ВЕДЕРЦАХ МЯСО, РЫБА, КАПУСТА, ОГУРЦИ, СЛИВЫ. ЛИМОНЫ, ИКРА, РЫЖИКИ И ГРУЗДИ

В                
                
               

се бы стояла непочятые и помятые суды в росоле, да пригнетено дощечкою, да и каменей тяжелым, а огурци, сливы и лимоны в росоле ж бы были, а огурци решеткою ж пригнетены под камышком легонко, а плеснь всегда счищати и росолом дополнивати розсолив. Да толке которой просол не в росоле стоит, ино верхней ряд згнеет. а в небрежении - ино все испортитца. А то все в лед всекати, а мясо повремени вывешивати: айврыбе толке дух появитце, ино, перемыв, вывешивать же. А которая рыба всякая и мясо солено на провес, и вывешивано по весне, и как выветрело, и есть поспело, ино от стропа збирати да переносить в сушело да что пригоже вывешати, а иное в ступу класти. И рыба протовая в рогоже вертети, а пласти по полице класти, а подпариваная в крошни, чтоб ветр проходил: которая как пригоже, так держати. А о всем о том, как бречи в начале писано.
               А в житницах, и в закромех, и в сушиле всякого обиля пересматривати: притчею которою накапало, или навьяло, или сыро, и затхлося, и поплесневело, или слеглося,- ино, то розсыпав, на солнце пересушивати или в печех, а что попортилося, ино наперед есть и в займы давати, и в милостыню, и нужным, а толке много, и упродасть, а которое свеже, сухо и в бреженье стоит, ино то вдаль пустити.
               А питье всякое: и меды, и пива, и морсы, и вишнии в патоке, яблока и груши в патоке живквасу, и брусничная вода потому ж - кои бочки в леду засечены, те держати вполне, а которое пите стоит невполне, то дополнивати и в леду засекати. А которое пите тронулося, окисло или поплеснивело, ино по малым судком ростачивати и то борзее известь, а свежее - в даль блюсти и вполне держати. А яблока и груши, и вишние, ягоды - то б было в росоле, а плеснь сщищати и, подсытив, доливати, и что как пригоже; а на леднике полное и пите и еству в леду засекати и держати, ино не порти т ца.
               А плате всякое и товар, которое в полатах и в клетех, и в онбарех, и в лавках, и в сундукех, и в бочках, и в коробьях, и верхнее и нижнее, и новое и ветшаное, и дорогое и дешевое, а усчины и полотна,- того всего в лете пересматривати, и перетрясывати, и розвешивати, и пересушити, а которое попортилося, того починити, и новое и ветшаново, и опять по старому хоро-шенко укладывати и держат то в суше и в покрыте, и замком.
               А сено, толке накапало и навяло или сыро, згнелося, или затхлося,- ино его в ведряныи день в солнечной на ветр выносить из сенници да просушить и перетрясет, да и опять в сенницу класть. А в стогу толке слеглося или затхлося, потомуже зделати, а толке попортилося, ино то продати или лошадми травити; да то изводити, кое попортилося, а много-ино испродати; а кое добро, ино дале блюсти, и в сушу покласти, и сенница укрыти. А государю или государыни, или ключнику, или ключнице по вся дни из утра встав, всего преж по всему двору у всех хоромов замков пересмотрети, а где есть печяти - ино печяти, толке поздорову - ино добро, и где худо замнуто, или замок испорчен, или не замнуто, или печять испорчена или худо запечатано,- и в ту хоромину влезши, всего пересмотрети: толко тати были - ино знати, или свои крали, или небрежением худо замкнуто, и о том, по вине смотря, и бранить, и наказывати, и обыскивати, где хто ночевал, и что как деялося, и потому управа чинити.
               А в вечере потому ж везде переходити и пересмотрити, и перенюхать, где огня бы не было, и не уронили. Да на погребе и на леднике, и в вечере, и утре, смотрети бочек гвоздье, крепко ли прибито, и не потекает ли и уторами и ладами и дном не каплет ли, и везде ли чисто, и в росоле, и не плесневело ли и не загнилося ли, и покрыто, перечищено, и перебрано. Толке все по здорову и в таком брежене, ино добро, а что не потому, ино, по вине смотря,- наказывати.
               А в поварнях, и в хлебнях, и во всяких хоромех, и на конюшне, и у всякие животины, и в сенницах, и у мастеров, и у мастериць, и учеников, и у торговцев, и у всяких своих приказщиков всегды всего пересматривати и пытати; толке все по наказу - ино добро, а не потому - ино наказание, по вине смотря, по преж писанному. А за доброе устроение и брежение любити и жаловати всячески, доброму бы была честь, а худому - гроза.


Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker