Предыдущая страница Следующая страница

Кривая Империя Сетевая Словесность Оглавление

13.
КАК В ЦЕРКВИ МУЖУ И ЖЕНЕ МОЛИТИСЯ, ЧИСТОТА ХРАНИТИ, И ВСЯКОГО ЗЛА НЕ ТВОРИТИ


А                 
                
               

в церкви стояти на всяком пении с страхом и с молчянием молитися. А дома всегда павечерница, и полунощница, и чясы пети. А кто прибавит правила, своего ради спасения, ино то на его воли, но боле мзда от Бога. А женам к церкви Божий ходить как вместимо на произволении, по совету с мужем. А в церкви ни с кем не беседовать, с молчянием стояти и со вниманием слушати божественаго пения и чтения, никуда не обзираяся, ни на стену, ни к столпу не прикланятися, ни с посохом не стояти, ни с ноги на ногу не преступати, стояти руце согбени к переем крестаобразно, твердо и непоколебимо, телеснии очи долу имети, а сердечнии горе, молитися Богу со страхом и трепетом, со воздыханием и со слезами. И до отпения ис церкви не исходити, а приходити к начялу, А неделя и праздники Господския, и сред и пяток, и Святыи Великий пост и Богородичен в чистоте пребывати. А от обьядения и пиянства и от пустотных бесед и смехотворения неподобнаго всегда беречися. А татбы, и блуда, и лжи, и клеветы, и зависти, и всякого неправеднаго собрания: и ростов, и корчмы, и мыта, и всякого лукавства не любити, и не гневатися ни на кого, и не помнити зла, и разбоя, и грабления, и всякого насилия, и неправеднаго суда отнюд не творити. А ранняго пития и ядения и позднего после пения вечерняго отнюд не творити ж, ести бы и пити в славу Божию и в подобно время. А малым детем и работным по разсужению кормити их. Или не весте, яко неправедници Царствия Божия не наследят, яко ж апостол Павел рече: аще некий брат именуем или блудник, или лихоимець, или идолослужитель, или ругатель, или пияница, или хищник - с таковым ни ясти. И паки рече: не льстите себе, ни блудници, ни идолослужители, ни прелюбодеи, ни сквернителе, ни малакия, ни мужеложници, ни лихоимци, ни татие, ни пияница, ни досадителе, ни хищници,- Царствия Божия не наследят. Но достоит всякому християнину от всякого зла блюсти себе. А всякому християнину всегда четки в руках держати, и молитва Иисусова во устех непрестанно имети, и в церкви, и в дому, и в торгу, ходя и стоя, и седя, и на всяком месте, по пророку Давиду: на всяком месте благослови, душе моя, Господа. Глаголати ж сице, моли: Господи Иисусе Христе, Сыне Божий, помилуй мя грешнаго, сице глаголати 6 сот молитв, а седмое сто Пречистеи: Владычице моя, Пресвятая Богородице, помилуй мя грешнаго,- и паки обращатися на первое, и сице глаголати всегда. Аще кто сию молитву, требуя ея, глаголеть, яко из ноздри дыхания, по первом лете вселится в него Христос Сын Божий, по втором лете внидеть в него Дух Святыи, по третем лете приидет к нему Отец, и, вшед в него, и обитель в нем Себе сотворит Святая Троица, пожрет молитва сердце, и сердце пожрет молитву, и начнет клицати безспрестанно сию молитву день и нощь, и будет свобод всех сетей вражьих, о Христе Иисусе Господе нашем, Ему ж слава в веки, аминь. И Пречистая Богородица со всеми Небесными силами, и со всеми святыми будет помощница от всех козней диявольских в сем веце н в будущем верою молящемуся и в заповедех Божиих пребывающу.

                                                                 Како подобает креститися и поклонятся
             Тако подобает святителем, и священническуму и иноческому чину, царем и князем, и всем християном покланятися образу Спасову и Животворящему Кресту, и Пречистеи Богородици, и святым Небесным силам и всем святым, и священным сосудом, и святым честным мощем: правая рука устроити персты 1 и крайней да 2 нижних конци соткнути,- ино Святая Троица вообразится; средней перст з другим прямо поставити мало наклонен, а другии повыше, а нераспростерт: та прообразуют Божество и человечества, Тако крекрестити лице свое: первие возложити руку на чело, потом на перси, та ж на правую плещу, потом на левую - ино по существу воображен Крест Христов. Потом главою поклонитися до пояса, а великий поклон в землю главою. А молитву и моление во устех, а в сердци умиление, и во всех удех сокрушение о гресех, и от очию слезы, и от душа въздыхание. Усты Бога воспевати и славити, умом и сердцем и дыханием молити о поденных, рукою прекреститися, а телом поклонитися в землю, или до пояса,- всегда тако творити. А святительскому чину и священническому тако ж рукою прекрестити всякого християнина, требующего от них благословления.
             О Кресте Христове и воображении, и о поклонении, во Отечнице пишет известно, тамо почет уразумееши силу Креста Христова:
             Феодоритово. Сице благословити рукою и креститися: три персты равны имети вкупе, по образу Троическому: Бог Отец, Бог Сын, Бог Святыи Дух; не три Бози, но един Бог в Троици, имены разделяется, а Божество едино: Отец нерожен, а Сын рожен, а несоздан, а Дух Святыи ни рожен, ни создан - нисходящ, трие во едином Божестве. Едина сила, едина .Божеству честь, един поклон от всея твари, от Аггел и человек. Тако тем трема перстом указ. А два перъста имети наклонена, а не распростерта, а тем указ тако: то образует две естестве Христове, Божество и человечество: Бог по Божеству, а человек по вочеловечению, а во обоем совершен. Вышний перъст образует Божество, а нижний человечество, понеже сшед от вышних спасе нижная. То ж согбение толкует перст: преклонь бо небеса, сниде нашего ради спасения. Да тако достоит креститися, и благословити, тако святыми отци узаконено:
             Афонасьево и Петра Дамаскина, о том же. Яко начертанием Честнаго и Животворящаго Креста отгоними суть беси и различные недузи безсцены убо и безструда, и похвалу убо Его кто может изрещи. Святии отци предаша нам насупротив глаголания и к неверным еретиком: яко два перста убо, а едина рука являют Христа Бога нашего в двою естеству н едином составе познаваема. Десница ж неизреченную Его силу и одесную Отца седение възвещает, и свыше начение иже от небеснаго Его к нам сошествия являет, и паки от десныя страны на левую отгоняти враги являет, яко непобедимою силою Своею победи диявола Господь: шуия суща и мрачна, и некрепка.


Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker