К церквам Божиим всегда с верою приходи без гнева, и без зависти и безо всякие злобы, и во всякой смиренной мудрости, и кротости, и в чистоте телесной, с приношением, со свещею, с просфирою, с фимияном и с ладаном, с каноном и с кутьею и с милостинею,- и за здравие и за упокой, и к праздником и по манастырем тако ж с милостинею и с приношением приходи. Егда принесеши дар твои к олтарю, воспоминай Евангельское слово: егда нечто имат брат твои на тя, остави ту дар твои пред олтарем, и шед преж смирися з братом своим ,- тогда принеси дар твои к Богу от праведнаго имения своего: а от неправды неприятна милостиня. К силным речено бысть: луче не грабити, ниже милостиня дати от неправды. Отдати обидимому приятние милостиня неправедные, а к Богу приятна милостиня от праведнаго стяжания от добрых дел.