Подобает убо всякому християнину, како по Бозе жити в православной вере християньстеи, первее убо, от всея душа и от всего помышления, и всеми чувствы теплою верою веровати во имя Отца и Сына и Святаго Духа, в Неразделимую Троицю, и воплощению Господа нашего Иисуса Христа Сына Божия веруй, рождьшую Его Матерь Ботородицю нарицаи. Кресту же Христову с верою покланяися, яко на том всем человеком спасение содела Господь. Иконе же Христове, и Пречистеи Его Матери, и святым Небесным бесплотным силам, и всем святым честь с верою воздавай яко самем, любовно в молитве, и глаголи и покланяние твори, и на помощ к Богу призывай их, мощи ж святых с верою целуй, и покланятися им.