Предыдущая страница Следующая страница

Кривая Империя Сетевая Словесность Оглавление

48.
КАК ОГОРОД И САДЫ ВОДИТИ


А                
                
               

у которого человека огородец есть, и кто пашет огород, сам ли государь дозирает или государыня, или кому приказано. Первое городба с весны перекрепити, чтоб в огород ни собаки, ни свини - и всякое животине, ни куром взойти не было ни с чюжего двора, ни с своего, ино яблоням и всякому плоду пакости нет, а с суседы - остуды, толке от тебя твердо, твоей животине к ним неумет, а их - к тебе.
               А двор бы был потому ж везде бы крепко горожен или тынен, а ворота всегды приперты, а к ночи замнуты. А собаки бы сторожливы, а слуги стерегли ж, а сам государь и государыня послушивают ночи.
               А огород всегда бы был замкнут, да кому приказано, тот бы его всегда берег день и ночь, в нем всего дозирал. Как гряды весне копать, а навоз класти, а навоз зиме запасывати, и к садилом на дыни паровые гряды готовити, и всякие семена водити у себя и, посадив или посеяв всякие семена и обилье, в пору поливати, и укрывати, и от морозу всегды беречи, и яблони подчищати, и суша вырезывати, и подчи розсажывати, и пенки, и почки прививати, и гряды всякое обилие полоти, и капуста от червя и от блохи беречь и обирати и отрясывати.
               А возле тына, около всего огорода, борщу насеяти, где кропива ростет, и с весны его варити много про собя, и того в торгу не купишь, и нужному даст Бога ради, а толке у молода человека, ино и упродаст на иную вологу. И как насадит капусты и свеклы, и поспеет, капустное листье варити, и как учнет витца в клуб, и толке часто, ино изретка секучи варити, а лист обломываючи животину кормити. А в ту пору и до осени, борщь режучи, сушити и в пленици плести, ино всегды пригодитца - и в даль, и в год; а капуста во все лето варити и свеколню. А в осень капусту солити, а свеколнои росол ставити, а огурци солить же.
               А лете прохлажаетца: ест дыни и стручье, морков, огурци и всякой овощ, а Бог послал поболши чего, ино и упродаст. А сад розводити про собя, ино привитка от древа до древа, по 3 сажени и болши, ино яблони ростут велики, и обилю и всяким овощем не помешает рости, а как будет густо от ветя, под древнем не ростет ничто, ино борщу насеят, ино всегды плод. А падушок яблочних и что поспело: огурци, и дыни, и всякой овощ в пору бы обирати, что про собя сьести или поблюсти, или в год поставити, и что солити, и квас ставити, яблока и груши или в патоке, и ягодный вишневый морс. И в дешевую пору и грибы сушити, и грузди, рыжики, и всякой овощ солити, и в год ставити или чего упродати, то бы все было убрежено.
               А семена всякие бы у себя водити, ино великая прибыль; в торгу того не купишь, а будет слишком, ты упродашь А пошлет Бог каких овощов в своем огороде, ино в начяле убрать, и что поспело, тех всяких плодов первое к церкви Божий принести, ино священники освятят да сами вкушают, и строителя виноград благословят. И ко отцу духовному в дом посылати ж, аще доволно, ино церковником послати ж, И убогим, и нищим потому ж от своих праведных трудов, а от благословеных плодов. И в виноград свои священнический чин призывают же вкушати и благословят.
               А в селех пошлет Бог тако ж творят, от плодов своих приносят к церквам Божиим и к священником, где приходят молитися, подаваючи от всякого обилия сиротам и убогим и по манастырем убогим дают же боголюбци. Сии тако творящим, да благословен дом его будет и виноград, и село его, и нива, и пажить, и скоты, и всяко животно, и усугубит Господь и семена плодовита, и исполнит Господь в дом его всякоя благодати, и свобод; грехом дарует, и в сем веце милость Божию получит, и жизнь вечную наследит.

Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker