Стол и блюда, и ставци, и лошки, и всякие суды, ковши и братини, воды взгрев изутра, избу затопив, перемыти и вытерти и высушить. А после обеда и вечере тако ж. И ведра и ночвы, и квашни, и корыта, и сита, и решета, и горшки, и кувшины, и корчаги потому ж вымыти и вы­скрести, и вытерти, и высушити, и положити в чистом месте, где пригож быти. Всегда бы всякие суды и порядня всякая чиста бы была и в счете, а по лавке и по двору, и по хоромом суды не волочилися бы, а ставни и блюда, и лошки, и ковши, и братины по лавке и но избе не валялися, где устроино быти, н чистом месте лежало бы, опрокинуто ниц. А в каком судне что есть ества и питье, то бы покрыто чистоты ради, а всякие суды с ествою и с пити­ем, и с водою, или квашня ростворити,— всегда бы было покрыто, а в ызбе и повязано — от сверчка и от всякие нечистоты.
А ставци и блюда, и лошки, и братины, и ковши, и всякие сосуды лутчие — сребряные, и оловяные, и древяные — те держати за замком в крепком месте. И коли гости и праздник — при добрых людех вынимать к столу. А после пиру пересмотрев, и перемыти, и счести, и опять устроити за замком. А вседневные суды всякие держати по преж писаному.
А в ызбе стены, и лавки, и пол, и окна, и двери, и скамьи, и в сенех, и на крылце потому ж вымыти н вытерти, вымести и выскресть, всегда бы было чисто: и лесница, и нижнее крилце. Да перед нижним крилцем соломы по­ложити, грязные ноги отирати, ино лесница не грязнитца; а у сеней воилочек положить потому ж, грязи для. А в грязное погодие у крилца солома переняти грязнаа, а иная класти, тако жиу сеней войлок велети прополоскати, высуш, опять туто ж положити.
И то у добрых людей и у порядливой жены всегда дом чист и устроен,— а на дворе и перед вороты на улици всегда слуги смете приметают, а в грязь пригребено, а снег зиме пригребати ж. А щепа и дерово и всякой рупос прибирати, и всегда бы было устроено и чисто. А в конюшне и в хлеве и во вся­ких службах устроено все по чину, упрятано и причищено и приметено — всегда в доброй дом во устроинои, как в рай внитти…