Предыдущая страница Следующая страница

Кривая Империя Сетевая Словесность Оглавление

38.
КАК СЛУГ НАКАЗЫВАТИ,
В ЛЮДИ ПОСЫЛАТИ И С ЧЕМ,
И НЕ ПЕРЕГОВАРИВАТИ НИЧЕГО

А                
                
               

слуг своих заповедывай о людех не переговаривати, и где в людех были, и что видели недобро - того дома не сказывали бы. А что дома деетца, того бы в людех не сказывали: о чем послан, то и памятуй, а о ином о чем учнут спрашивати, того не отвечяи и не ведай и не знай. Отделавшися борзее, да то государю скажи, о чем послан, а их вестей никаких не сказывай, ино промеж государей никакие ссоры ни остуды не будет. И неподобные речи или блудные, и всякое дурное дело, и слово, слышев и видев,- то бы отнюд не именовалося. А к самому государю или к государыни чья служка придет, такаж ничего у нее не пытати, о чем прислан, в том его и отделати, да борзее отпусти. А чюжая служка почнет что сказывати, и того у нея не слушати, да еще и избранити: о чем ты прислан, то и памятуй, а иного у тебя не пытаем. То доброму мужу и жене похвала, толке у них слуги вежливы.
                А послеши куды, сына или слугу, и што накажешь говорити, или что зделати, и что купити и творити, да спроси его, что ты ему наказывал, и что ему говорити, и зделати, или купити, и толке по твоему наказу тебе все изговорит, ино добро и пошли. А пошлешь с слугою х кому еству или питие, или что ни буди, или какую ссуду, да воротя воспроси его: куды несешь, толке так скажет, как наказано, то добро. А посылай еству целу, а питие вполне, ино солгати не уметь. А товар посылай, сметив или смерив, а денги - счетши, а что весовое, звесив, а всего лучши запечятав,- ино безгрешно. Да и о том слуге спирошатися, что с ним посылают, без государя - отдат ли толке его у себя нет, или домой отнести. А о тех делех всех не догодается государи или государыня сына или слуги воротити, да воспросити, куды с чем послан и что наказали, и умной сын или слуга вежливой сам воротитца, и вежливо колпак соимя, у государя или у государыни спросит о всем, переговорит, что ему наказано,- толке потому ино добро.
                А куды пошлют слугу в добрые люди, у ворот легонко поколотити, а по двору идешь и кто спросит, каким делом идешь, ино того не сказывати, а отвечати; не к тебе яз послан, х кому послан, с тем и говорити. А то сказати, от кого идешь, и они государю скажут.
                А у сеней или у избы, или у кельи, ноги грязные отерти, нос высморкати и выкашлятца, да искусно молитва сътворити, и толке аминя не отдадут, ино в другие, и в третие молитва сотворити по болши перваго, и ответа не отдадут, и легонке поколотитися, и как впустят, и, вшед, святым покланятца, и от государя челобитье и посылка правити, а в ту пору носа не копати перстом, ни кашляти, ни сморкати, ни хракати, ни плевати, аще ли нужа, отшед на сторону устроитца вежливо. А стояти на сторону несмотрити, да что наказано, то исправити, а о ином ни о чем не беседовати, да борзее к себе пойти, да тот ответ государю сказати, о чем послан. А лучитца у кого в подворий быти или в кели при государи и без государя, ни какие вещи не смотрети, ни с места на место не переложити безсповеления, из с собою ничего не вынести без благословения, и не прося. А ествы и пития тако ж не кушати чего не повелено: то святотатство суть и лакомство. Хто на то дерзнет без благословения, и тому ни в чем не верят, и за очи его никуды не пошлют, по Евангелию; в мале верен бе, надо мнозем поставлен будеши.
А что куды послано с тобою, покрыто или повязано или заверчено и запечятано,- того не движи, ни смотри, а ествы и пития, что послано, того не кушай: каково послано, таково и отнести, толке тут осмотрити как дают, цело ли и вполне ли посылают, чтобы тамо неверка не была, куды то нести.
                А умной сын или слуга, жонка и девка, куды посланы, хотя где вражду и брань и гнев и дурно что слыша и видя в людех, и в своем дому, того всего не говорити, и не сказывати, что велено и приказано, то и правят. А у кого совершенный разум, и он где слыша брань - мир кажет, а где слыша вражду, любовь кажет, а где кленут и лают, и он похвалу и благодарение поведает. И от таковых умных и вежливых и благоразумных слуг промеж добрых людей любовь сводитца и мир вечной, и таких умных слуг брегут и жалуют, как детей своих, и советуют с ними о всем.
                От старчества. Воспомяни мудраго ученика, у оного старца в пустыни живуша, и отшелнику некоему дав келью на время упокоитися, и зависти вражия обят старца и посылаше ученика своего озлобити живущаго в кельи и выслати из нея. Благоразумный ж ученик прихожаше к страннику, мир и благословение нося от старца, вместо зла; и по времени от бесовскаго надменна сам старець идяше хотя странника, бив, ижженути из келия. Добрый ж ученик тече напреди старца и являше страннику от него мир и благословение и посещение старче. Странник ж скоро теме на стретение великого старца и кланяшеся до земля - умилившеся старец и зазре себе, и бысть межи има любовь, и прославиша ученика.
                А которой не наказанной и нечювственнои раб и рабыня, куды его пошлют, и толке где его не почтят и испити не дадут, и он на подворье вся нелепая сказывает про мужа и про жену. А где люди лукавый, и глупово слугу подпоят, и из ума выводят, и спрашивают про государя и про государыню, и безумный все говорит, что и невместимо казати, и лишнее прилыгает. А толке государь и государыня его оскорбят, и он в людех на него вся непотребная износит. И от таковых безумных слуг всякая вражда содевается, и посмех и укоризна и соромота. И того ради разсудным мужем и женам учити детей своих и слуг, раб и рабынь, всякому страху Божию и вежеству, яко ж впереди писано бысть.
                А потому знати глупой слуга: толке пришед из людей все переговаривает, тот и в людех про домашнее все говорит. А толке государь и государыня у слуг своих любят переговоры и клевету, и осужение, и пересмехи, и всякую ложь, тот государь и государыня сами себе и дому своему и детем и слугам враги, ревнуют всему лукавому, и неизвестному, и всякой лжи, и всякия вражды, и в таких страстех за скудость ума погибают. И всякая добродетель и любовь в таких ссорах враждою совершаетца и конечною ненавистию, и душевне и телесне; в сем веце и в будущем от Бога зле постражут.
                А умный и разсудный государь и государыни сами того не любят и не творят оговоров и посмехов и укоризн, лжи и клеветы. И всяких лукавых речей людех не переговаривают, и не ссужают и не слушают, и не пересмеют. А про них хто ссужает и укоряет, или посмехает, и злословит в очи и за очи, или кто скажет, что на них таковыи речи неподобны, и премудрым своим разумом сия вся разсудити. Аще по делом поношение, от сего возвращатися, и на том бити челом, яко обличяеми по делом, или укоряеми. Аще ли не по делом укоряеми, или досажают,- терпим и со благодарением восприимаем, по Апостолу: блажени, яко укоряеми терпим и не мстим за сие вражды; и любовь к ним имеем, по апостолу Павлу, еже учя глаголеть: аще алчет недруг твои, ухлеби его, аще жажет, напои его, не побежден бывай от зла, но побеждай всегда благое; се бо творя углие огнено збираеши на главу его.
                И слуг своих тако ж поучяи.
                Аще видиши братне согрешение, и не известиши, и не обличиши его о сем наедине, но сем в посмех, и во укоризну положиши то, и будеши яко язычник и мытарь, и греху его причястен будеши. Аще уведаеши братне какое грехопадение, и всякое неподобное дело известно, и о сем наедине в тайне возвестиши ему с любовию - аще послушает тебе и престанет от таковаго неподобнаго дела,- спасл ее и душу брата своего, и от Бога мзду восприимеши. Аще не приимет твоего словеси, еше и в ненависть положит, и ты свободен того греха, а он сам о себе даст ответ пред Богом. И видя Бог добрая ваша дела, и мудрое смирение, и благоразсудное наказание, и Бога ради терпение, и подаст богатую свою милость, и грехом свободу и жизнь вечную.
Писано о том же в главе 26 и 32.

Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker