Предыдущая страница Следующая страница

Кривая Империя Сетевая Словесность Оглавление

25.
НАКАЗ МУЖУ И ЖЕНЕ,
И ДЕТЕМ, И ЛЮДЕМ,
КАКО ЛЕПО БЫТИ

А                
                
               

самому себе государю и жену, и дети, да и домочядцев учити не красти, не блясти, не солгати, не оклеветати, не завидети, не обидити чюжаго, не претися всуе, не осужати, не бражничяти, не просмеивати, ни помнити зла, не гневатися ни на кого, и к болшим быти послушну и покорну, а к средним - любовну, а к меншим и ко убогим - приветну и милостиву. Со всякими управа без волокиты, наипаче наймита наймом не изобидети, а всякая обида з благодарением терпети Бога ради: и понос и укоризна. Аще по делом поносят и укоряют - сие любовию приимати, и от таковаго безумия отвращатися, а против не мстити. Аще ли в чем не повинен еси, за сие мъзду от Бога приимеши. А домочядцев своих учити страху Божию и всякой добродетели, и самому тая же творити, и вкупе обрящете от Бога милость. Аще ли небрежением и нерадением твоим сам или жена твоя твоим ненаказанием съгрешит и зло пред Богом сотворит, или домочядци твои, мужи и жены, и дети твои, каков грех сотворят, а твоим ненаказанием; брань и татбу или блуд и всяко зло творят,- все вкупе по делом своим приимете: зло сътворше - муку вечную, а добро сотвориши, и иже сущий с тобою,- вкупе приимеши с ними вечную жизнь; а себе болши венец приимеши, понеж не о себе едином попечение имея к Богу, но и сущих с собою введ в жизнь вечную.

Предыдущая страницаСодержаниеСледующая страница


обратно в Новый ДомостройНовый Домострой


книга I
Кривая Империя
862-2000

книга II
Новый Домострой
1547

книга III
Тайный Советник
1560

книга IV
Книжное Дело
1561-1564

книга V
Яйцо Птицы Сирин
1536-1584

книга VI
Крестный Путь
986-2005
© Sergey I. Kravchenko 1993-2003: all works
eXTReMe Tracker