Аще дарует Бог кому жену добру - дражаиши есть камени мпогоценнаго. Таковыя от добрыя користи не лишитца: делает мужу своему все благо житие. Обретши волну и лен, творит благопотребна рукама своима, бысть яко корабль куплю деющ: издалечя збирающь все богатство. И въстает из нощи, даст брашно дому и дело рабыням. От плода руку своею насалит тяжание много. Препоясавше крепко чресла своя, утвердит мышца своя на дело. И чад своих поучяет, тако ж и рабынь, и не угасает светилник ея во всю нощь: руце свои простирает на полезная, лахти ж свои утвержает на вретено. Милость ж простирает убогу, плод же подаст нищим - не печетца о дому своем муже ея: многоразличная одеяния и преукрашена сотворит мужу своему и себе, и чядом, и домочядцем своим. Всегда ж будеть муж ея в сонмищи с велможами и сядет з знаемыми, и велми честен будет, и благоразумно беседует и разумеет, яко добро делати, никто ж 6о безструда венчан будет. Жены ради добры блажен есть муж, и число дней его сугубо - жена добра веселит мужа своего, лета его исполнит миром; жена добра - часть блага, в части боящихся Господа да будет, жена бо мужа своего честнее творяще: первие, Божию заповедь сохранив, благословена будет, а, второе, от человек хвалима есть. Жена добра и страдолюбива, и молчалива - венец есть мужеви своему, обрете муж жену свою добру - износит благаа из дому своему. Блажен есть таковыа жены муж, и лета своя исполняют в блазе мире. О добре жене хвала мужу и честь. Добрая жена по смерти мужа своего спасает, яко ж благочестивая царица Феодора.