11.
КАКО ДОМ СВОИ УКРАСИТИ СВЯТЫМИ ОБРАЗЫ И ХРАМ ЧИСТ ИМЕТИ

В дому своем всякому християнину в всякой храмине святыя и честныя образы написанный на иконах по существу ставити на стенах, устроив благолепно место со всяким украшением и со светилники, в них же и свещи пред святыми образы вжигаются на всяком славословлии Божии, и по пении погашаются и завесою закрываються, всякие ради нечистоты и от пыли, благочиния ради и брежения. А всегда чистым крилцем обьметати и мягкою губою вытирати их, и храм тот всегда чист имети. А к святым образом касатися достойным в чисте совести, и на славословии Божий, и на святом пении, и на молитве свещи вжигати и кадити благовонным ладаном и фимияном. А образы святыя поставляются иже в начале по чину, свято почитаеми суть имяны преж реченными. В молитвах и во бдениих, и в поклонех и во всяком славословии Божии всегда почитати их со слезами и с рыданием и сокрушенным сердцем, исповедаяся о своих согрешении и просяще отпущения грехов.



Оглавление


Новый Домострой

на Главную страницу
на Главную
© Sergey I. Kravchenko 1993-2022
eXTReMe Tracker