А которые в лавках торгуют и на домовной обиход покупают всяку потребу и всякой запас, ино с теми вечере на упокое на всяку неделю самому государю надобет смечятися с ними, в приходе, и в росходе, и в купле, и в продаже: с тем вечер, а сыным ино вечер. А кто бережен и памятен, и радит о своем деле, и в счете живет у него, и хитрости в нем нет никоторые, и прибыток от него есть,- и того примолвити, и пожаловати ествою н питьем, и нужа его полнити во всем, а за добрый промысл на выимку - своим платем пожаловати. А кто безхитростно что учинит или ленив и поздно в лавку ходит, и спит долго, или к товару не идет к гостем, или какое его небрежение ни 6уде, и нерадение,- ино его наказывати и бранити и, по вине смотря, такова ему пеня чинити. А за добрую службу тех у себя за стол сажати и от себя подавати и жаловати и во всем беречи. Во всякой службе и в домашнем обиходе; а в торговле, кто ленив, и сонлив, и крадлив, и упьянчив, и наказание и побои неимут,- и того от дела отставити и по нем работа дати. А хто глуп и груб, и крадлив, и ленив, и ни во что не пригодитца, ни наказание имет - ино, накормим, да з двора спустить, и иные на такова дурака гля, не испортиться.