20.
КАК ДОЧЕРИ ВОСПИТАТИ, С НАДЕЛКОМ И ЗАМУЖ ВЫДАТИ

А у кого дочи родитца, ино разсуднои отец, которым торгом себя питает, во граде ли куплю деет или по морю,- или деревю пашет, и он ис торгу ее выть какову изменит, а в деревне по тому ж: или животину ростят ей с приплодом, и от ее выти, што Бог пошлет, купит полотна и усчины, ширинки, убрусы, и рубашки - по всяк год и кладет в пришеннои сундук или в коробью платы и саженье, и маниста, и святость, и суды оловяные, и медяные, и древяньыи и прибавливая не помножку всегда, на всяк год, по преж писанному, а в вдруг, ино себе не в досаду. А всего даст Бог будет полно. Ино дочи росте а страху Божию и всякому вежеству и рукоделию учитца, а приданое с нею вдруг прибывает. А как замуж зговорят - и отец и мати будут беспечялни: занеж дал Бог всего у них полно, и в веселии и радости брак у них будет. Аще ли будут отец и мать незапасливи, и о своей дочери допреж писанному будут не изготовили, и выти ей ни в чем не удиливали и учнут ея замуж давати - и в те поры все покупати, ино скорая женити ведомая робота. И отец и мати будут в печяли о такове браце, и занеж все вдруг и дорого купити. А по судбам Божиим та дочи преставитца, и но с наделком поминати, и по ей души сорокоустие и милостиню ис того давати. А тоже и иные дочери есть, тако ж и о них промышляти.



Оглавление


Новый Домострой

на Главную страницу
на Главную
© Sergey I. Kravchenko 1993-2022
eXTReMe Tracker